- 225 -

1223 Mai 25, Breslau, Domkirche.

Bischof Lorenz von Breslau gestattet seinem Vogt Walter in Neiße, auf dem bischöflichen Gebiet in Ujest (Bischofstal) Deutsche anzusiedeln und einen Marktort sowie Dörfer nach Neumarkter Recht zu gründen.

Or. Breslau DA KK 27 (A). - Kop. 15. Jh. ebenda Liber niger fol. 443'-444 (B).
Tzschoppe-Stenzel S. 282 Nr. 7 (aus B); Schulte, Z. 42, S. 277 f. (Teildruck, aus A); Mal. 3, Nr. 282 (aus A). - Reg. ep. Vrat. S. 23; SR 265; Meinardus, Neumarkter Rechtsbuch, DQ 2, S. 370 f.; Friedrich, CD regni Bohemiae 2, Nr. 248; CDS II/l, Nr. 68. Nach einem von der Generaldirektion der polnischen Archive freundlicherweise übersandten Photo von A. Mundiert von demselben bischöflichen Schreiber wie Nr. 209, Nr. 222 (Erstausfertigung), Nr. 226 und Nr. 285.

In nomine Christi amen. Nos Laurentius miseracione divina Wratizlauiensis episcopus notum facimus presentibus et futuris, quod ad honorem dei et utilitatem ecclesie beati Iohannis cum communi consensu capituli Wratizlauiensis damus et concedimus et presenti pagina confirmamus Waltere advocato nostro in Niza locare Teutonicos in territorio sancti Iohannis in Viasd pro sexto manso, ita videlicet, quod de quolibet manso solvatur decima annuatim in campo mense episcopali et dimidius ferto argenti in pondere Teutonicali similiter annuatim in censu excepto penitus sexto manso, cuius decimam et censum idem Walterus cum suis heredibus in perpetuum libere recipiet et quiete pro expensis suis et laboribus in fundatione et regimine loci iam dicti. Addito, quod ad araturam nostram sex mansos excipimus in divisione mansorum per sortem more Teutonico recipiendos, quorum omnem utilitatem nobis et nostris successoribus perpetuo reservamus, eidem Waltero cum heredibus suis quatuor mansos cum eorum utilitate ad suam araturam in perpetuum concedentes. De reliquis vero mansis omnibus quinque partes cuiuslibet utilitatis nobis et nostris successoribus reservamus sextam partem tantum eiusdem utilitatis prefato Waltero cum suis heredibus conferentes. Et quoniam tarn in iudiciis quam etiam in aliis procurationibus eundem Walterum cum suis heredibus in prefato loco tenere volumus et habere procuratorem et solum in iure Teutonico advocatum, terciam partem iudiciorum eidem cum suis heredibus nomine advocati et quartem partem nomine sculteti concedimus et confirmamus. Omnem etiam utilitatem et proventum, quem in loci eiusdem aquis et silvis idem poterit procurare, sibi et heredibus suis damus et confirmamus exceptis duobus stagnis nostris, et quod annonam nobis et nostris successoribus necessariam in molendinis ab eodem fundandis moli statuimus, statim cum ad molendinum mittetur. Quia vero tarn locum forensem quam villas ibidem fundandas eodem iure, quo utitur Nouum Forum ducis Henrici, quod Szroda dicitur, volumus ab eodem et per eundem locari, sextam curiam in loco forensi si et sextum mansum in villis prenominato Waltero cum suis heredibus damus et concedimus locum curie nobis et nostris successoribus necessarie in loco nobis congruo reservantes. Et hec nostra donacio et confirmacio a nostris successoribus inviolabiliter observetur, ipsam presentis scripti attestatione et tam sigilli nostri quam capituli Wratizlauiensis sigilli appensione dignum duximus roborare. Actum est hoc in coro sancti lohannis in Wratizlauia, anno ab incarnatione domini M°CC°XX°III°, VIII° kal. iunii, in presentia Victoris decani, Ianusii archidiaconi, Radozlai archidiaconi Olomucensis, Sdizlai archidiaconi de Zauicost, Radulfi cantoris, Egidii scolastici, Laurentii custodis, Ottonis, Lupi, Franconis, Henrici, Sdizlai, Simonis, Willelmi, Iohannis, Henrici canonicorum Wratizlauiensium, Reginaldi plebani de Opol et multorum aliorum.

Zwei Siegel: 1. Bischof Lorenz von Breslau, Typar D, an roter und weißer Schnur (Schulte, Z. 42, S. 271 Nr. 25), siehe Nr. 134; 2. Breslauer Domkapitel, Typar B, siehe Nr. 115.

Schlesisches Urkundenbuch, Herausgegeben von der Historischen Kommission für Schlesien, Zweiter Band: 1. Lieferung 971 - 1216, 1963; 2. Lieferung 1217 - 1230, 1968; 3. Lieferung Fälschungen und Register, 1971; Bearbeitet von Heinrich Appelt, Verlag Hermann Böhlaus Nachf., Wien-Köln-Graz